Автор ааспыт сүүрбэ сыллар усталарыгар буолан ааспыт уонна улууһун общественнай олоҕор тахсыбыт уларыйыылары, саха норуотун бастакы президенэ Михаил Николаевы кытары араас көрсүһүүлэргэ, кэпсэтиилэргэ хардарыта ааһыспыт бэлиэтээһиннэрин, ахтыыларын, санаа туймуута оҥостон сылдьарын суруйар.

Филологическай наука доктора Дора Егоровна Васильева бу кинигэтэ кини урут таһаарбыт "Умнуллубат ааттар" уонна "Айар илбис аргыстанан" диэн саха суруйааччыларын туһунан ыстатыйалар хомуурунньуктарын салгыытын курдук бэчээттэнэр. Манна литературовед саха суруйааччыларын олохторун, айымньыларын тустарынан уонна кинилэр саха литературата, культурата сайдарыгар киллэрбитбоччумнаах кылааттарын ылыннарыылаахтык арыйан көрдөрөр. Автор суруйааччылары киһи быһыытынан уратыларын, олоххо көрүүлэрин, кинилэргэ дьон-сэргэ сыһыанын бэрт истиҥ, сылаас, иһирэх тылынан ааҕааччыга сэһэргиир

Бу кинигэҕэ литературовед Дора Васильева кэнники кэмҥэ суруйбут ыстатыйалар киирдилэр. Манна автор литература сайдыытын уонна билиҥҥи туругун туһунан санаалара, араас көлүөнэ суруйааччылар - А. Е. Кулаковскай, А. М. Софронов, Тумарча, Тумат, М. Тимофеев уо. д. а. айар мэтириэттэрэ түмүллүбүт. Кинигэ кини 2000 с. тараһаартарбыт "Умнуллубат ааттар" хомуурунньугун салгыытын быһыытынан тахсар.